Demokratik Təsisatlar və İnsan Hüquqları ictimai birliyi (DTİHİB) 2006-ci ildə bir qrup gənc hüquqşünaslar, sosioloqlar və jurnalistlər tərəfindən təsis olunub və 28 fevral 2007-ci il tarixdə Azərbaycan Respublikasının Ədliyyə Nazirliyi tərəfindən dövlət qeydiyyatına alınıb. DTİHİB, 50-dən artıq QHT-ni özündə birləşdirən “Azad və Ədalətli Seçkilər Uğrunda” Əlaqələndirici Məşvərət Şurasının, 150-dən artıq QHT-ni özündə birləşdirən “Mədən Sənayesində Şəffaflığın Artırılması” Koalisiyasının və “Sağlamlığa çağırış” Alyansının üzvüdür.
Təşkilatın məqsədi: Demokratik dəyərlərin inkişaf etdirilməsi, insan hüquqları müdafiəsi, söz və mətbuat azadlığının təmin olunması və gənclərin təşəbbüsünü inkişaf etdirilməsidir:
Təşkilat məqsədlərinə uyğun olaraq aşağıdakı istiqamətdə vəzifələri yerinə yetirir:
1. Gənclərin təşəbbüsünü dəstəkləmək və inkişaf etdirmək;
2. Demokratik təşəbbüslərin dəstəklənməsi;
3. İnsan hüquqlarının və azadlıqlarının müdafiəsi;
4. Vətəndaşlara hüquqi yardım göstərilməsi;
5. Söz və mətbuat azadlığının qorunmasını;
6. Seçki prosesi zamanı müstəqil namizədlərin uğurlu seçki kompaniyasının təşkilinə və müşahidəçilərin hazırlanması;
7. Yerli özünü idarəetmə orqanlarının fəaliyyətinin monitorinqi və bu sahədə ictimai məlumatlandırılması;
8. Hərbiçilərin hüquqlarının müdafiəsi və onların sosial rifahının artırılması;
9. Vətəndaşların hüquqi biliklərinin artırılmasıdır.
Beynəlxalq Tədbirlər:
- Ukraynanın Lvov şəhərində keçirilmiş 2-ci Şərqi Avropa Konfransı;
- İsveçrənin Cenevrə şəhərində keçirilmiş BMT-nin İşgəncələrə Qarşı Komitəsinin 43-cü sessiyasının iştirakçısı;
- Avropa Birliyi Şərq Tərəfdaşlıq Proqramı çərçivəsində Polşanın Poznan şəhərində keçirilən Vətəndaş Cəmiyyəti Forumu.